ניצוצות של יהדות - כפטיש יפוצץ סלע
חיפוש מילים בתנך: מילים נפוצות בתנ"ך
כיצד לבצע חיפוש מורכב  
חיפושים פופולריים: שָׁלוֹם | יובל | חיפוש מילים בתנך: סוס כמה פעמים מופיע | חכמת נשים בנתה | חָכְמָה | טוב לב | מעין | אִמְרֵי | אוּרִי | צדק ומשפט | ברכה | עֲדֵי | זונה | איש תחת גפנו ותחת תאנתו | שִׁיר | חַיִּים | תמר* | צֶדֶק | יוסף | יוֹנָתָן | *גפן | שמש | דוד | קול ששון וקול שמחה | אשקלון | רועי | עוד ישמע בהרי יהודה ובחוצות ירושלים | חלום | יערה | נצור אהבה בדרכך | ספיר* | שמות פרטיים | חָמָס | הִנְנִי | הדר* | חֶבְרוֹן | אמונה* | נָחָשׁ | דנה | עוז | לימוד מלחמה | בּוֹגֵד | ציון* | *יין | אפרת* | מלאך מיכאל | שלומית | צבי> | תודה אבא | יְהוָה | אליהו | אברם-אברהם | ניר* | מְשִׁיחַ | וַיַּעַן | מים רבים | חבר | נשר* | נְתַנְאֵל | ושמחת בחגך והיית אך שמח | מדבר ציה | גולן* | פְּסַנְתֵּרִין | רן* | נריה* | נהר הירדן | בֵּית | צִיּוֹן | צפת | בת ציון | אילה | נדב* | לִבִּי | שני | תֵּימָנָה. | הכה שאול באלפיו ודוד ברבבותיו | ארבעים שנה | יפתח | עדינה | מעין* | הדסה | שְׁלֹמֹה | בית-שמש | “פי צדיק יניב חכמה ולשון תהפוכות תכרת” (משלי י“א,ל”א) | התנדבות | יקותיאל | (גבר) | נחל נובע מקור חכמה | עֲרָד | שפע ברכה | הִלֵּל | רוּחַ | וְנָתְנוּ | ושמחת בחגך | זרוע נטויה | אלהים | חנה* | גַּל | אבישג | מַעְגַּל |

פרק ל

" וְעַתָּה שָׂחֲקוּ עָלַי צְעִירִים מִמֶּנִּי לְיָמִים אֲשֶׁר מָאַסְתִּי אֲבוֹתָם לָשִׁית עִם כַּלְבֵי צֹאנִי.   גַּם כֹּחַ יְדֵיהֶם לָמָּה לִּי עָלֵימוֹ אָבַד כָּלַח.   בְּחֶסֶר וּבְכָפָן גַּלְמוּד הַעֹרְקִים צִיָּה אֶמֶשׁ שׁוֹאָה וּמְשֹׁאָה.   הַקֹּטְפִים מַלּוּחַ עֲלֵי שִׂיחַ וְשֹׁרֶשׁ רְתָמִים לַחְמָם.   מִן גֵּו יְגֹרָשׁוּ יָרִיעוּ עָלֵימוֹ כַּגַּנָּב.   בַּעֲרוּץ נְחָלִים לִשְׁכֹּן חֹרֵי עָפָר וְכֵפִים.   בֵּין שִׂיחִים יִנְהָקוּ תַּחַת חָרוּל יְסֻפָּחוּ.   בְּנֵי נָבָל גַּם בְּנֵי בְלִי שֵׁם נִכְּאוּ מִן הָאָרֶץ.   וְעַתָּה נְגִינָתָם הָיִיתִי וָאֱהִי לָהֶם לְמִלָּה.   תִּעֲבוּנִי רָחֲקוּ מֶנִּי וּמִפָּנַי לֹא חָשְׂכוּ רֹק.   כִּי יתרו [יִתְרִי] פִתַּח וַיְעַנֵּנִי וְרֶסֶן מִפָּנַי שִׁלֵּחוּ.   עַל יָמִין פִּרְחַח יָקוּמוּ רַגְלַי שִׁלֵּחוּ וַיָּסֹלּוּ עָלַי אָרְחוֹת אֵידָם.   נָתְסוּ נְתִיבָתִי לְהַוָּתִי יֹעִילוּ לֹא עֹזֵר לָמוֹ.   כְּפֶרֶץ רָחָב יֶאֱתָיוּ תַּחַת שֹׁאָה הִתְגַּלְגָּלוּ.   הָהְפַּךְ עָלַי בַּלָּהוֹת תִּרְדֹּף כָּרוּחַ נְדִבָתִי וּכְעָב עָבְרָה יְשֻׁעָתִי.   וְעַתָּה עָלַי תִּשְׁתַּפֵּךְ נַפְשִׁי יֹאחֲזוּנִי יְמֵי עֹנִי.   לַיְלָה עֲצָמַי נִקַּר מֵעָלָי וְעֹרְקַי לֹא יִשְׁכָּבוּן.   בְּרָב כֹּחַ יִתְחַפֵּשׂ לְבוּשִׁי כְּפִי כֻתָּנְתִּי יַאַזְרֵנִי.   הֹרָנִי לַחֹמֶר וָאֶתְמַשֵּׁל כֶּעָפָר וָאֵפֶר.   אֲשַׁוַּע אֵלֶיךָ וְלֹא תַעֲנֵנִי עָמַדְתִּי וַתִּתְבֹּנֶן בִּי.   תֵּהָפֵךְ לְאַכְזָר לִי בְּעֹצֶם יָדְךָ תִשְׂטְמֵנִי.   תִּשָּׂאֵנִי אֶל רוּחַ תַּרְכִּיבֵנִי וּתְמֹגְגֵנִי תשוה [תּוּשִׁיָּה].   כִּי יָדַעְתִּי מָוֶת תְּשִׁיבֵנִי וּבֵית מוֹעֵד לְכָל חָי.   אַךְ לֹא בְעִי יִשְׁלַח יָד אִם בְּפִידוֹ לָהֶן שׁוּעַ.   אִם לֹא בָכִיתִי לִקְשֵׁה יוֹם עָגְמָה נַפְשִׁי לָאֶבְיוֹן.   כִּי טוֹב קִוִּיתִי וַיָּבֹא רָע וַאֲיַחֲלָה לְאוֹר וַיָּבֹא אֹפֶל.   מֵעַי רֻתְּחוּ וְלֹא דָמּוּ קִדְּמֻנִי יְמֵי עֹנִי.   קֹדֵר הִלַּכְתִּי בְּלֹא חַמָּה קַמְתִּי בַקָּהָל אֲשַׁוֵּעַ.   אָח הָיִיתִי לְתַנִּים וְרֵעַ לִבְנוֹת יַעֲנָה.   עוֹרִי שָׁחַר מֵעָלָי וְעַצְמִי חָרָה מִנִּי חֹרֶב.   וַיְהִי לְאֵבֶל כִּנֹּרִי וְעֻגָבִי לְקוֹל בֹּכִים.   "



כתובים » ספר איוב » פרק ל