ניצוצות של יהדות - כפטיש יפוצץ סלע
חיפוש מילים בתנך: מילים נפוצות בתנ"ך
כיצד לבצע חיפוש מורכב  
חיפושים פופולריים: שָׁלוֹם | אור | חָכְמָה | משתין בקיר | כאיל תערוג על אפיקי מים | דור לדור יביע אומר | צוק איתן | אוּרִי | חכמת נשים בנתה | עֲדֵי | זַיִת | "שבת" | אמת | דרכיה דרכי נועם | שירה | מחרבייך ומהרסייך יצאו מימך | תמר* | טוב לב | צדק ומשפט | כלב | שְׂרָיָה | יונה | מִזְמוֹר | קול ששון וקול שמחה קול חתן וקול כלה | עוד ישמע בהרי יהודה ובחוצות ירושלים | עמוד ענן | גֶּשֶׁם | אישה יפה | נעה | אֶלְיָסָף | זָבַת | הדר* | נעמה* | אפרת* | גיבור חיל | שמור אותי מאוהבי | גיא א | אֲרִיאֵל | *איל | גבורה* | חָמָס | אושר | קְהָת | תודה אבא | נָבָל | לימוד מלחמה | ארז* | לְבָבְךָ | בְלִיַּעַל | שָׁוְא | בריא | שַׁבַּת | מאיר | נָעֳמִי | ארץ חיטה ושעורה | חָרָה | *אילת | סינים | וַיִּחַן | אֵזוֹב | מִשְׁתֶּה | שלג* | רחוק מרשעים ישועה.( | דג* | אסף* | בֵּית | תּוֹעֵבָה | זוהר הרקיע | רוני בת | יָאִיר | הֲדַר | יקותיאל | אשה | עליזה> | (גבר) | משלימ* | וַיִּשְׁתַּחוּ | רצח* | עָפָר | הגם שאול בנביאים | ריח ניחוח | חסד נשים בספר משלי | תּוֹדָה | כי יש תקווה לאחריתך | נֶפֶשׁ | בני גאיה | שירת הים | שמע ישראל | הִלֵּל | אָעָא | לא ישא גוי אל גוי | איתמר | מִלְחָמָה | סֻכּוֹת | בְּרִית | גליל* | השיבני | וַתֵּלֶד | מרגלית יקרה | חית השדה |

פרק טו

" וַיְהִי הַגּוֹרָל לְמַטֵּה בְּנֵי יְהוּדָה לְמִשְׁפְּחֹתָם אֶל גְּבוּל אֱדוֹם מִדְבַּר צִן נֶגְבָּה מִקְצֵה תֵימָן.   וַיְהִי לָהֶם גְּבוּל נֶגֶב מִקְצֵה יָם הַמֶּלַח מִן הַלָּשֹׁן הַפֹּנֶה נֶגְבָּה.   וְיָצָא אֶל מִנֶּגֶב לְמַעֲלֵה עַקְרַבִּים וְעָבַר צִנָה וְעָלָה מִנֶּגֶב לְקָדֵשׁ בַּרְנֵעַ וְעָבַר חֶצְרוֹן וְעָלָה אַדָּרָה וְנָסַב הַקַּרְקָעָה.   וְעָבַר עַצְמוֹנָה וְיָצָא נַחַל מִצְרַיִם והיה [וְהָיוּ] תֹּצְאוֹת הַגְּבוּל יָמָּה זֶה יִהְיֶה לָכֶם גְּבוּל נֶגֶב.   וּגְבוּל קֵדְמָה יָם הַמֶּלַח עַד קְצֵה הַיַּרְדֵּן וּגְבוּל לִפְאַת צָפוֹנָה מִלְּשׁוֹן הַיָּם מִקְצֵה הַיַּרְדֵּן.   וְעָלָה הַגְּבוּל בֵּית חָגְלָה וְעָבַר מִצְּפוֹן לְבֵית הָעֲרָבָה וְעָלָה הַגְּבוּל אֶבֶן בֹּהַן בֶּן רְאוּבֵן.   וְעָלָה הַגְּבוּל דְּבִרָה מֵעֵמֶק עָכוֹר וְצָפוֹנָה פֹּנֶה אֶל הַגִּלְגָּל אֲשֶׁר נֹכַח לְמַעֲלֵה אֲדֻמִּים אֲשֶׁר מִנֶּגֶב לַנָּחַל וְעָבַר הַגְּבוּל אֶל מֵי עֵין שֶׁמֶשׁ וְהָיוּ תֹצְאֹתָיו אֶל עֵין רֹגֵל.   וְעָלָה הַגְּבוּל גֵּי בֶן הִנֹּם אֶל כֶּתֶף הַיְבוּסִי מִנֶּגֶב הִיא יְרוּשָׁלָ‍ִם וְעָלָה הַגְּבוּל אֶל רֹאשׁ הָהָר אֲשֶׁר עַל פְּנֵי גֵי הִנֹּם יָמָּה אֲשֶׁר בִּקְצֵה עֵמֶק רְפָאִים צָפֹנָה.   וְתָאַר הַגְּבוּל מֵרֹאשׁ הָהָר אֶל מַעְיַן מֵי נֶפְתּוֹחַ וְיָצָא אֶל עָרֵי הַר עֶפְרוֹן וְתָאַר הַגְּבוּל בַּעֲלָה הִיא קִרְיַת יְעָרִים.   וְנָסַב הַגְּבוּל מִבַּעֲלָה יָמָּה אֶל הַר שֵׂעִיר וְעָבַר אֶל כֶּתֶף הַר יְעָרִים מִצָּפוֹנָה הִיא כְסָלוֹן וְיָרַד בֵּית שֶׁמֶשׁ וְעָבַר תִּמְנָה.   וְיָצָא הַגְּבוּל אֶל כֶּתֶף עֶקְרוֹן צָפוֹנָה וְתָאַר הַגְּבוּל שִׁכְּרוֹנָה וְעָבַר הַר הַבַּעֲלָה וְיָצָא יַבְנְאֵל וְהָיוּ תֹּצְאוֹת הַגְּבוּל יָמָּה.   וּגְבוּל יָם הַיָּמָּה הַגָּדוֹל וּגְבוּל זֶה גְּבוּל בְּנֵי יְהוּדָה סָבִיב לְמִשְׁפְּחֹתָם.   וּלְכָלֵב בֶּן יְפֻנֶּה נָתַן חֵלֶק בְּתוֹךְ בְּנֵי יְהוּדָה אֶל פִּי יְהוָה לִיהוֹשֻׁעַ אֶת קִרְיַת אַרְבַּע אֲבִי הָעֲנָק הִיא חֶבְרוֹן.   וַיֹּרֶשׁ מִשָּׁם כָּלֵב אֶת שְׁלוֹשָׁה בְּנֵי הָעֲנָק אֶת שֵׁשַׁי וְאֶת אֲחִימַן וְאֶת תַּלְמַי יְלִידֵי הָעֲנָק.   וַיַּעַל מִשָּׁם אֶל יֹשְׁבֵי דְּבִר וְשֵׁם דְּבִר לְפָנִים קִרְיַת סֵפֶר.   וַיֹּאמֶר כָּלֵב אֲשֶׁר יַכֶּה אֶת קִרְיַת סֵפֶר וּלְכָדָהּ וְנָתַתִּי לוֹ אֶת עַכְסָה בִתִּי לְאִשָּׁה.   וַיִּלְכְּדָהּ עָתְנִיאֵל בֶּן קְנַז אֲחִי כָלֵב וַיִּתֶּן לוֹ אֶת עַכְסָה בִתּוֹ לְאִשָּׁה.   וַיְהִי בְּבוֹאָהּ וַתְּסִיתֵהוּ לִשְׁאוֹל מֵאֵת אָבִיהָ שָׂדֶה וַתִּצְנַח מֵעַל הַחֲמוֹר וַיֹּאמֶר לָהּ כָּלֵב מַה לָּךְ.   וַתֹּאמֶר תְּנָה לִּי בְרָכָה כִּי אֶרֶץ הַנֶּגֶב נְתַתָּנִי וְנָתַתָּה לִי גֻּלֹּת מָיִם וַיִּתֶּן לָהּ אֵת גֻּלֹּת עִלִּיּוֹת וְאֵת גֻּלֹּת תַּחְתִּיּוֹת.   זֹאת נַחֲלַת מַטֵּה בְנֵי יְהוּדָה לְמִשְׁפְּחֹתָם.   וַיִּהְיוּ הֶעָרִים מִקְצֵה לְמַטֵּה בְנֵי יְהוּדָה אֶל גְּבוּל אֱדוֹם בַּנֶּגְבָּה קַבְצְאֵל וְעֵדֶר וְיָגוּר.   וְקִינָה וְדִימוֹנָה וְעַדְעָדָה.   וְקֶדֶשׁ וְחָצוֹר וְיִתְנָן.   זִיף וָטֶלֶם וּבְעָלוֹת.   וְחָצוֹר חֲדַתָּה וּקְרִיּוֹת חֶצְרוֹן הִיא חָצוֹר.   אֲמָם וּשְׁמַע וּמוֹלָדָה.   וַחֲצַר גַּדָּה וְחֶשְׁמוֹן וּבֵית פָּלֶט.   וַחֲצַר שׁוּעָל וּבְאֵר שֶׁבַע וּבִזְיוֹתְיָה.   בַּעֲלָה וְעִיִּים וָעָצֶם.   וְאֶלְתּוֹלַד וּכְסִיל וְחָרְמָה.   וְצִקְלַג וּמַדְמַנָּה וְסַנְסַנָּה.   וּלְבָאוֹת וְשִׁלְחִים וְעַיִן וְרִמּוֹן כָּל עָרִים עֶשְׂרִים וָתֵשַׁע וְחַצְרֵיהֶן.   בַּשְּׁפֵלָה אֶשְׁתָּאוֹל וְצָרְעָה וְאַשְׁנָה.   וְזָנוֹחַ וְעֵין גַּנִּים תַּפּוּחַ וְהָעֵינָם.   יַרְמוּת וַעֲדֻלָּם שׂוֹכֹה וַעֲזֵקָה.   וְשַׁעֲרַיִם וַעֲדִיתַיִם וְהַגְּדֵרָה וּגְדֵרֹתָיִם עָרִים אַרְבַּע עֶשְׂרֵה וְחַצְרֵיהֶן.   צְנָן וַחֲדָשָׁה וּמִגְדַּל גָּד.   וְדִלְעָן וְהַמִּצְפֶּה וְיָקְתְאֵל.   לָכִישׁ וּבָצְקַת וְעֶגְלוֹן.   וְכַבּוֹן וְלַחְמָס וְכִתְלִישׁ.   וּגְדֵרוֹת בֵּית דָּגוֹן וְנַעֲמָה וּמַקֵּדָה עָרִים שֵׁשׁ עֶשְׂרֵה וְחַצְרֵיהֶן.   לִבְנָה וָעֶתֶר וְעָשָׁן.   וְיִפְתָּח וְאַשְׁנָה וּנְצִיב.   וּקְעִילָה וְאַכְזִיב וּמָרֵאשָׁה עָרִים תֵּשַׁע וְחַצְרֵיהֶן.   עֶקְרוֹן וּבְנֹתֶיהָ וַחֲצֵרֶיהָ.   מֵעֶקְרוֹן וָיָמָּה כֹּל אֲשֶׁר עַל יַד אַשְׁדּוֹד וְחַצְרֵיהֶן.   אַשְׁדּוֹד בְּנוֹתֶיהָ וַחֲצֵרֶיהָ עַזָּה בְּנוֹתֶיהָ וַחֲצֵרֶיהָ עַד נַחַל מִצְרָיִם וְהַיָּם הגבול [הַגָּדוֹל] וּגְבוּל.   וּבָהָר שָׁמִיר וְיַתִּיר וְשׂוֹכֹה.   וְדַנָּה וְקִרְיַת סַנָּה הִיא דְבִר.   וַעֲנָב וְאֶשְׁתְּמֹה וְעָנִים.   וְגֹשֶׁן וְחֹלֹן וְגִלֹה עָרִים אַחַת עֶשְׂרֵה וְחַצְרֵיהֶן.   אֲרַב וְרוּמָה וְאֶשְׁעָן.   וינים [וְיָנוּם] וּבֵית תַּפּוּחַ וַאֲפֵקָה.   וְחֻמְטָה וְקִרְיַת אַרְבַּע הִיא חֶבְרוֹן וְצִיעֹר עָרִים תֵּשַׁע וְחַצְרֵיהֶן.   מָעוֹן כַּרְמֶל וָזִיף וְיוּטָּה.   וְיִזְרְעֶאל וְיָקְדְעָם וְזָנוֹחַ.   הַקַּיִן גִּבְעָה וְתִמְנָה עָרִים עֶשֶׂר וְחַצְרֵיהֶן.   חַלְחוּל בֵּית צוּר וּגְדוֹר.   וּמַעֲרָת וּבֵית עֲנוֹת וְאֶלְתְּקֹן עָרִים שֵׁשׁ וְחַצְרֵיהֶן.   קִרְיַת בַּעַל הִיא קִרְיַת יְעָרִים וְהָרַבָּה עָרִים שְׁתַּיִם וְחַצְרֵיהֶן.   בַּמִּדְבָּר בֵּית הָעֲרָבָה מִדִּין וּסְכָכָה.   וְהַנִּבְשָׁן וְעִיר הַמֶּלַח וְעֵין גֶּדִי עָרִים שֵׁשׁ וְחַצְרֵיהֶן.   וְאֶת הַיְבוּסִי יוֹשְׁבֵי יְרוּשָׁלַ‍ִם לֹא יוכלו [יָכְלוּ] בְנֵי יְהוּדָה לְהוֹרִישָׁם וַיֵּשֶׁב הַיְבוּסִי אֶת בְּנֵי יְהוּדָה בִּירוּשָׁלַ‍ִם עַד הַיּוֹם הַזֶּה.   "



נביאים » ספר יהושוע » פרק טו