ניצוצות של יהדות - כפטיש יפוצץ סלע
חיפוש מילים בתנך: מילים נפוצות בתנ"ך
כיצד לבצע חיפוש מורכב  
חיפושים פופולריים: שִׂמְחָה | חָכְמָה | נעה בת צלפחד | משתין בקיר | אוּרִי | איש תחת גפנו ותחת תאנתו | ברכה | איתן האזרחי | "שבת" | זַיִת | צֶדֶק | משפע ברכה והצלחה | שִׁיר | טל* | שמות נשים | טוב לב | זהב | תורה פסוק כג | קול ששון וקול שמחה קול חתן וקול כלה | וַיִּחַר | מֹשֶׁה | נשים בתנך | אישה יפה | כי גר היית בארץ מצרים | וַיַּךְ | עמוד ענן | פירוש המילה ערלים | תֵּבֵל | דוד | חֶבְרוֹן | זכור בן אמרי | אֶלְיָסָף | בנימין | הר הכרמל | קֶרֶן | נצור אהבה בדרכך | אהבת הארץ | טוטפות בין עיניך | זָבַת | נִיר | זיו פניך | חמס עזה | איש את רעהו | אמונה* | יְרוּשָׁלַ‍ִם | באר שבע | שילה | עץ אלה | לא תשפוך זרעך לשוא | וַיִּנָּגֶף -פירוש | ניר* | עץ אלון | *הדס | חבר | נָאוָה | יְהוָה | נְתַנְאֵל | גולן* | מות יומת | שְׁמָמָה | וַתַּהַר | נריה* | כוכב* | הדי | תֵּימָנָה. | אקדח | וַיָּהָם פירוש | שָׁמַיִם | שְׂפַת | אַבְרָהָם | פרי | פלגי מים | צדיק ורע לו רשע וטוב\ לו | נהר הירדן | יַחַד | נחמה | אֵשׁ | שמואל | התנדבות | יפעת* | ירבעם בן נבט | כבוד* | יקותיאל | עיים | נְבָט | עדינה | ארוד | עֲבָדִים | עד מתי צעירים יעלוזו | בשם ה אלוקי ישראל מימיני מיכאל | דג | (גבר) | ולא תהיה למטה | מחלצות | אֵיכָה | בֵּינִי | קֶשֶׁת | *שמן | נאור | אל תבשרו בחוצות אשקלון |

פרק א

" בִּשְׁנַת שְׁתַּיִם לְדָרְיָוֶשׁ הַמֶּלֶךְ בַּחֹדֶשׁ הַשִּׁשִּׁי בְּיוֹם אֶחָד לַחֹדֶשׁ הָיָה דְבַר יְהוָה בְּיַד חַגַּי הַנָּבִיא אֶל זְרֻבָּבֶל בֶּן שְׁאַלְתִּיאֵל פַּחַת יְהוּדָה וְאֶל יְהוֹשֻׁעַ בֶּן יְהוֹצָדָק הַכֹּהֵן הַגָּדוֹל לֵאמֹר.   כֹּה אָמַר יְהוָה צְבָאוֹת לֵאמֹר הָעָם הַזֶּה אָמְרוּ לֹא עֶת בֹּא עֶת בֵּית יְהוָה לְהִבָּנוֹת.   וַיְהִי דְּבַר יְהוָה בְּיַד חַגַּי הַנָּבִיא לֵאמֹר.   הַעֵת לָכֶם אַתֶּם לָשֶׁבֶת בְּבָתֵּיכֶם סְפוּנִים וְהַבַּיִת הַזֶּה חָרֵב.   וְעַתָּה כֹּה אָמַר יְהוָה צְבָאוֹת שִׂימוּ לְבַבְכֶם עַל דַּרְכֵיכֶם.   זְרַעְתֶּם הַרְבֵּה וְהָבֵא מְעָט אָכוֹל וְאֵין לְשָׂבְעָה שָׁתוֹ וְאֵין לְשָׁכְרָה לָבוֹשׁ וְאֵין לְחֹם לוֹ וְהַמִּשְׂתַּכֵּר מִשְׂתַּכֵּר אֶל צְרוֹר נָקוּב.   כֹּה אָמַר יְהוָה צְבָאוֹת שִׂימוּ לְבַבְכֶם עַל דַּרְכֵיכֶם.   עֲלוּ הָהָר וַהֲבֵאתֶם עֵץ וּבְנוּ הַבָּיִת וְאֶרְצֶה בּוֹ ואכבד [וְאֶכָּבְדָה] אָמַר יְהוָה.   פָּנֹה אֶל הַרְבֵּה וְהִנֵּה לִמְעָט וַהֲבֵאתֶם הַבַּיִת וְנָפַחְתִּי בוֹ יַעַן מֶה נְאֻם יְהוָה צְבָאוֹת יַעַן בֵּיתִי אֲשֶׁר הוּא חָרֵב וְאַתֶּם רָצִים אִישׁ לְבֵיתוֹ.   עַל כֵּן עֲלֵיכֶם כָּלְאוּ שָׁמַיִם מִטָּל וְהָאָרֶץ כָּלְאָה יְבוּלָהּ.   וָאֶקְרָא חֹרֶב עַל הָאָרֶץ וְעַל הֶהָרִים וְעַל הַדָּגָן וְעַל הַתִּירוֹשׁ וְעַל הַיִּצְהָר וְעַל אֲשֶׁר תּוֹצִיא הָאֲדָמָה וְעַל הָאָדָם וְעַל הַבְּהֵמָה וְעַל כָּל יְגִיעַ כַּפָּיִם.   וַיִּשְׁמַע זְרֻבָּבֶל בֶּן שַׁלְתִּיאֵל וִיהוֹשֻׁעַ בֶּן יְהוֹצָדָק הַכֹּהֵן הַגָּדוֹל וְכֹל שְׁאֵרִית הָעָם בְּקוֹל יְהוָה אֱלֹהֵיהֶם וְעַל דִּבְרֵי חַגַּי הַנָּבִיא כַּאֲשֶׁר שְׁלָחוֹ יְהוָה אֱלֹהֵיהֶם וַיִּירְאוּ הָעָם מִפְּנֵי יְהוָה.   וַיֹּאמֶר חַגַּי מַלְאַךְ יְהוָה בְּמַלְאֲכוּת יְהוָה לָעָם לֵאמֹר אֲנִי אִתְּכֶם נְאֻם יְהוָה.   וַיָּעַר יְהוָה אֶת רוּחַ זְרֻבָּבֶל בֶּן שַׁלְתִּיאֵל פַּחַת יְהוּדָה וְאֶת רוּחַ יְהוֹשֻׁעַ בֶּן יְהוֹצָדָק הַכֹּהֵן הַגָּדוֹל וְאֶת רוּחַ כֹּל שְׁאֵרִית הָעָם וַיָּבֹאוּ וַיַּעֲשׂוּ מְלָאכָה בְּבֵית יְהוָה צְבָאוֹת אֱלֹהֵיהֶם.   בְּיוֹם עֶשְׂרִים וְאַרְבָּעָה לַחֹדֶשׁ בַּשִּׁשִּׁי בִּשְׁנַת שְׁתַּיִם לְדָרְיָוֶשׁ הַמֶּלֶךְ.   "



נביאים » ספר חגי » פרק א