ניצוצות של יהדות - כפטיש יפוצץ סלע
חיפוש מילים בתנך: מילים נפוצות בתנ"ך
כיצד לבצע חיפוש מורכב  
חיפושים פופולריים: אהבה | שָׁלוֹם | אור | שִׂמְחָה | חָכְמָה | יובל | ארץ ישראל | אִמְרֵי | חכמת נשים בנתה | חיפוש מילים בתנך: סוס כמה פעמים מופיע | מעין | כאיל תערוג על אפיקי מים | אוּרִי | איש תחת גפנו ותחת תאנתו | חזק ואמץ | עֲדֵי | "שבת" | דור לדור יביע אומר | זַיִת | משפע ברכה והצלחה | מרים | איתמר | צֶדֶק | חֶסֶד | אמת | אַרְיֵה | צדק ומשפט | שִׁיר | חַיִּים | נגה | דרכיה דרכי נועם | ארדפי אוייבי ואשיגם ולא אשוב עד כלותם | לביא | בר-מצווה | טוב לב | שירה | תמר* | יוסף | תָּמָר | שמור אותי מאוהבי כי משונאי אשמר בעצמי | דניאל | אביב | יוֹנָתָן | קול ששון וקול שמחה | אריאל | מחרבייך ומהרסייך יצאו מימך | תורה פסוק כג | צְדָקָה | אשקלון | *גפן | כפיר | יהל | שמש | עדן | גלעד | תל אביב | רועי | צוק איתן תלכנה | כלב | חשמל | יאיר* | יערה | חלום | אחינעם | אישה יפה | יונה | גֶּשֶׁם | אהבת אחים | אש אש רע ברבין | עוד ישמע בהרי יהודה ובחוצות ירושלים | אש ותמרות עשן | ככל שיענוהו כן ירבה ויפרוץ | תֵּבֵל | אילון | מִזְמוֹר | מזמור שיר | דנה | דוד | וַיַּךְ | אילן | עמוד ענן | צַדִּיק | גיל* | מִיכַל | נָחָשׁ | אביעד | יהודית | הִנְנִי | צְרוּיָה | בנימין | כנרת | עֵילָם | תגל | נצור אהבה בדרכך | ספיר* | גל | עוז | נַהֲרָה | שִׁבְעִים | הדר* |

פרק א

" וְאֵלֶּה שְׁמוֹת בְּנֵי יִשְׂרָאֵל הַבָּאִים מִצְרָיְמָה אֵת יַעֲקֹב אִישׁ וּבֵיתוֹ בָּאוּ.   רְאוּבֵן שִׁמְעוֹן לֵוִי וִיהוּדָה.   יִשָּׂשכָר זְבוּלֻן וּבְנְיָמִן.   דָּן וְנַפְתָּלִי גָּד וְאָשֵׁר.   וַיְהִי כָּל נֶפֶשׁ יֹצְאֵי יֶרֶךְ יַעֲקֹב שִׁבְעִים נָפֶשׁ וְיוֹסֵף הָיָה בְמִצְרָיִם.   וַיָּמָת יוֹסֵף וְכָל אֶחָיו וְכֹל הַדּוֹר הַהוּא.   וּבְנֵי יִשְׂרָאֵל פָּרוּ וַיִּשְׁרְצוּ וַיִּרְבּוּ וַיַּעַצְמוּ בִּמְאֹד מְאֹד וַתִּמָּלֵא הָאָרֶץ אֹתָם.   וַיָּקָם מֶלֶךְ חָדָשׁ עַל מִצְרָיִם אֲשֶׁר לֹא יָדַע אֶת יוֹסֵף.   וַיֹּאמֶר אֶל עַמּוֹ הִנֵּה עַם בְּנֵי יִשְׂרָאֵל רַב וְעָצוּם מִמֶּנּוּ.   הָבָה נִתְחַכְּמָה לוֹ פֶּן יִרְבֶּה וְהָיָה כִּי תִקְרֶאנָה מִלְחָמָה וְנוֹסַף גַּם הוּא עַל שֹׂנְאֵינוּ וְנִלְחַם בָּנוּ וְעָלָה מִן הָאָרֶץ.   וַיָּשִׂימוּ עָלָיו שָׂרֵי מִסִּים לְמַעַן עַנֹּתוֹ בְּסִבְלֹתָם וַיִּבֶן עָרֵי מִסְכְּנוֹת לְפַרְעֹה אֶת פִּתֹם וְאֶת רַעַמְסֵס.   וְכַאֲשֶׁר יְעַנּוּ אֹתוֹ כֵּן יִרְבֶּה וְכֵן יִפְרֹץ וַיָּקֻצוּ מִפְּנֵי בְּנֵי יִשְׂרָאֵל.   וַיַּעֲבִדוּ מִצְרַיִם אֶת בְּנֵי יִשְׂרָאֵל בְּפָרֶךְ.   וַיְמָרְרוּ אֶת חַיֵּיהֶם בַּעֲבֹדָה קָשָׁה בְּחֹמֶר וּבִלְבֵנִים וּבְכָל עֲבֹדָה בַּשָּׂדֶה אֵת כָּל עֲבֹדָתָם אֲשֶׁר עָבְדוּ בָהֶם בְּפָרֶךְ.   וַיֹּאמֶר מֶלֶךְ מִצְרַיִם לַמְיַלְּדֹת הָעִבְרִיֹּת אֲשֶׁר שֵׁם הָאַחַת שִׁפְרָה וְשֵׁם הַשֵּׁנִית פּוּעָה.   וַיֹּאמֶר בְּיַלֶּדְכֶן אֶת הָעִבְרִיּוֹת וּרְאִיתֶן עַל הָאָבְנָיִם אִם בֵּן הוּא וַהֲמִתֶּן אֹתוֹ וְאִם בַּת הִיא וָחָיָה.   וַתִּירֶאןָ הַמְיַלְּדֹת אֶת הָאֱלֹהִים וְלֹא עָשׂוּ כַּאֲשֶׁר דִּבֶּר אֲלֵיהֶן מֶלֶךְ מִצְרָיִם וַתְּחַיֶּיןָ אֶת הַיְלָדִים.   וַיִּקְרָא מֶלֶךְ מִצְרַיִם לַמְיַלְּדֹת וַיֹּאמֶר לָהֶן מַדּוּעַ עֲשִׂיתֶן הַדָּבָר הַזֶּה וַתְּחַיֶּיןָ אֶת הַיְלָדִים.   וַתֹּאמַרְןָ הַמְיַלְּדֹת אֶל פַּרְעֹה כִּי לֹא כַנָּשִׁים הַמִּצְרִיֹּת הָעִבְרִיֹּת כִּי חָיוֹת הֵנָּה בְּטֶרֶם תָּבוֹא אֲלֵהֶן הַמְיַלֶּדֶת וְיָלָדוּ.   וַיֵּיטֶב אֱלֹהִים לַמְיַלְּדֹת וַיִּרֶב הָעָם וַיַּעַצְמוּ מְאֹד.   וַיְהִי כִּי יָרְאוּ הַמְיַלְּדֹת אֶת הָאֱלֹהִים וַיַּעַשׂ לָהֶם בָּתִּים.   וַיְצַו פַּרְעֹה לְכָל עַמּוֹ לֵאמֹר כָּל הַבֵּן הַיִּלּוֹד הַיְאֹרָה תַּשְׁלִיכֻהוּ וְכָל הַבַּת תְּחַיּוּן.   "



תורה » ספר שמות » פרק א